Berat, makina me qera e turistëve përfshihet nga flakët në kala

Një makinë është përfshirë nga flakët këtë të martë në Berat, në rrugën që të çon drejt kalasë së qytetit.

Automjeti tip ‘Pezho’ me targë AA381 AB i marrë me qira nga disa turistë ka shpërthyer në flakë në pjesën e përparme të tij, por fatmirësisht 4 pasagjerët që ndodheshin në brendësi të mjetit kanë arritur të dalin në kohë, duke mos marrë lëndime.

Pas marrjes së informacionit, forcat e MSZSH Berat kanë mbërritur në vendngjarje duke bërë të mundur shuarjen e flakëve, ndërkohë që situata për disa minuta krijoj një kaos te banorët e zonës dhe tek turistët e huaj, pasi zona ku ndodhi ngjarja është një nga atraksionet më të vizituara në qytetin e Beratit.

Nga informacionet në vendngjarje raportohet vetëm për dëme materiale.