Të paktën 40 atletë pjesëmarrës në Olimpiadën e Parisit kanë rezultuar pozitivë me Covid-19. Një situatë e zakontë, duke vlerësuar përhapjen e rasteve në të gjithë botën.
Njoftimi është dhënë nga Organizata Botërore e Shëndetësisë. Gjatë një konference në Gjenevë, doktoresha Maria Van Kerkhov deklaroi se “nuk është befasi të shohësh sportistë të infektuar, sepse virusi po qarkullon me shpejtësi në disa vende”.
Pas Olimpiadës 2020 në Tokio pa spektatorë dhe Lojërave Dimërore të vitit 2022 në Pekin, të zhvilluara mes masave të forta të sigurisë, edhe Olimpiada “Paris 2024” nuk i shpëtoi Covidit, pavarësisht se duhet theksuar që kërcënimi i tanishëm është më i vogël.
Discussion about this post