Aksident në Greqi, humb jetën gruaja shqiptare

Një grua shqiptare ka humbur jetën në një aksident rrugor të ndodhur orët e para të kësaj të enjteje në Greqi.

Siç raportojnë mediat lokale ngjarja ndodhi rreth orës 05:40 të kësaj të enjteje në autostradën Patras – Pirgos, në zonën e Kato Achaia, ku 75-vjeçarja u përplas nga një automjet teksa kalonte rrugën.

Sipas të njëjtave burime, viktima është me origjinë shqiptare, ndërsa identiteti i saj nuk bëhet me dije. Raportohet se ajo kishte udhëtuar nga ishulli Kos ku jetonte, për të takuar një të afërm në Alissos.

Një hetim ka nisur lidhur me rastin.