Qeveria ka paralajmëruar bizneset se do të përforcojë masat kundër informaliteti dhe do të përforcojë masat kundër evazionit fiskal. Kështu thuhet në drafitin për zhvillimin afatmesëm të ekonomisë 2022-2024. Drafti i publikuar nga qeveria i lë si detyrë Ministrisë së Financave dhe institucioneve të tjera përgjegjëse që të hartojnë dhe konsultojnë një strategji gjithëpërfshirëse për të trajtuar dhe mbikëqyrur të gjitha aspektet e informaliteti, me një plan veprimi konkret, duke përfshirë objektiva të qarta dhe të matshme. Referuar draftit, gjatë periudhës 2022-2024, përpjekjet e Administratës Shqiptare të Taksave për të luftuar infromalitetin do të përqendrohen në identifikimin e tatimpaguesve që nuk përmbushin detyrimet tatimore.
Konkretisht tatimpaguesit me rritje të të ardhurave, por ulje të detyrimit TVSH; tatimpaguesit që nuk deklarojnë shpenzimet për faturat e energjisë elektrike; tatimpaguesit me paga të nëndeklaruara për punonjësit e tyre – të identifikuara duke krahasuar të dhënat disavjeçare). Po ashtu në fokus do të jetë trajtimi i evazionit fiskal, mashtrimit fiskal dhe informaliteti, duke përdorur në kohë reale mbikëqyrjen e transaksioneve financiare midis tatimpaguesve, sipas sistemit të të fiskalizimit (sistemi i monitorimit dhe mbikëqyrjes së veprimtarive tregtare të tatimpaguesve nga autoritetet tatimore shqiptare).
Detektimi i të ardhurave globale të padeklaruara nga tatimpaguesit dhe individët, nëpërmjet shkëmbimit të parë automatik të informacionit mbi llogaritë financiare në vitin 2021 e në vijim do të jetë një tjetër aspekt i fokusit kundër informalitetit. Po ashtu, Ndërtimi i Regjistrit të Aseteve të Tatimpaguesve (te tundshme & patundshme), me qëllim vlerësimin real të pasurive të tatimpaguesve, duke ndërtuar një sistem për verifikimin dhe ndjekjen e të ardhurave të tatimpaguesve, kontrollin e plotë të pagesave të bëra mbi taksat e pasurisë.
Në draft parashikohet, hartimi dhe zbatimi i një program përmbushjeje për individët më të pasur. Fuqizimi i sistemit dhe përdorimi i të dhënave në procesin e vendim-marrjes në lidhje me individët e pasur. Përdorimi i qasjes së integruar për zbatimin e strategjisë se përmbushjes se individëve të pasur.
Discussion about this post