Zjarri në Qafë- Shtamë të Matit, ka marrë përmasa të mëdha, pasi disa vatra të reja kanë riaktivizuar gjatë ditës së sotme.
U bë me dije se deri më tani janë djegur rreth 30 hektarë tokë, ndërsa në terren janë forcat e ushtrisë, të policisë dhe punonjës të bashkisë Mat.
Zjarri mendohet të jetë i qëllimshëm në të dy vatrat e reja që janë aktivizuar, ndërsa policia po punon për identifikimin dhe kapjen e autorit të këtij zjarri të qëllimshëm.
Zjarri po i afrohet kampit të Qafë Shtamës. Aktualisht po punohet nga toka për shuarjen e vatrave të zjarrit, pasi terreni për mjetet zjarrfikëse është tejet i vështirë.
Fillimisht zjarri ka nisur mbi tunelet e Selitës, e më pas, i ndihmuar edhe nga era, ai është përhapur me shpejtësi edhe në sipërfaqe të tjera të masivit pyjor të Qafë Shtamës.
Discussion about this post