Të shtëna me armë zjarri raportuar mëngjesin e sotëm në Fushë-Krujë. Burime bëjnë me dije se është qëlluar me armë drejt një makine në ecje afër fshatit Bushnesh, por fatmirësisht nuk ka të lënduar.
Rrethanat e ngjarjes janë ende të paqarta, ndërsa burimet thonë se mjeti drejtohej nga një shtetase e huaj, identiteti i së cilës ende nuk bëhet me dije. Ishte kjo shtetase e huaj që bëri denoncimin në Komisariatin e Krujës dhe tregoi gjithçka kishte ndodhur. Besohet se bashkë me gruan, në makinë ka qenë dhe një person tjetër, që nuk dihet cili ishte. Lidhur me ngjarjen, Policia e Krujës ka shoqëruar disa persona.
Ngjarja ka ndodhur rreth orës 06:00 të mëngjesit të 11 gushtit, ndërsa drejtuesja e mjetit dhe persona të tjerë janë shoqëruar në Komisariatin e Laçit dhe po merren në pyetje lidhur me ngjarjen.
Nuk dihet cilat janë shkaqet e ngjarjes. Policia dhe grupi hetimor po punojnë për zbardhjen e saj, si edhe identifikimin e autorit/ëve.
Discussion about this post