Policia ka zbardhur ngjarjen e ditës së djeshme, ku u qëllua me armë zjarri drejt një autometi tip “Audi”, ngjarje e ndodhur në fshatin Dukagjin i Ri, në njësinë Kodër-Thumanë të Krujës.
Sipas autoritevem, kemi të bëjmë me një atentat të dështuar, pas një sherri për motive të dobëta mes dy të rinjëve. Policia ka arrestuar “shënjestrën” e atentatit, teksa është shpallur në kërkim autori i dyshuar.
Në pranga është vënë shtetasi Sebastjan Mallkuqi alias Ajazi, 30 vjeç, banues në Mamurras, pasi gjatë kontrollit të banesës së tij, uniformat blu gjetën një sasi municioni luftarak.
Ndërkohë, në kërkim është shpallur shtetasi Aleksandër Senaj, 29 vjeç, banues në fshatin Dukagjin i Ri, i cili mban dhe identitetet A.N. dhe A.B.
Nga hetimet paraprake rezulton se dy të rinjtë, banues në këtë zonë, janë konfliktuar më herët mes tyre. Pas sherrit, Aleksandër Senaj i ka dalë para në rrugën e fshatit Dukagjin i Ri Sebastjan Mallkuqit dhe e ka qëlluar me armë zjarri.
Mallkuqi në ato momente ishte duke lëvizur me automjetin e tij tip “Audi”. I riu ka arritur t’u shpëtojë plumbave, teksa raportohet se ka patur vetëm dëme materiale.
Hetimet për ngjarjen po i vijon Prokuroria e Tiranës, me disa akuza të ngritura. Policia po verifikon edhe të kaluarën e dy personave të përfshirë në ngjarje.
Discussion about this post