Me publikimin e listës së pagave ka pasur shumë reagime në lidhje me faktin që vëllai i demokratit , Belind Këlliçi, punon për ministren e Energjisë, Belinda Balluku. Nuk kanë qenë të pakta akuzat dhe kritikat për këtë fakt, ndërsa ditën e sotme ka reaguar vetë deputeti demokrat. Përmes një postimi në rrjetin social Facebook ai shkruan se vëllai i tij, Reshard Këlliçi, ka dhënë dorëheqjen nga posti që mbante për të mos pasur konflikt interesi.
“Për të gjithë ata që janë konfuzuar në lidhje me lajmet e fundit rreth vëllait tim Reshard Këlliçit dhe për ato media që ‘rastësisht’ pyesin deputetin Basha për vëllain tim, sqaroj me përgjegjësi të plotë se: Reshard Këlliçi, vëllai im ka punuar për rreth 4 vite si avokat për financimin dhe zhvillimin e projekteve energjetike dhe infrastrukturore me studion ligjore globale Hogan Lovells, e bazuar në Washington DC dhe Londër. Redi shërben aktualisht si Ekspert për Shqipërinë pranë Sekretariatit të Energjisë për Bashkimin Europian me specialitet të veçantë – këshillimin e institucioneve”, shkruan ai, duke theksuar se vëllai është larguar që në shkurt nga ministria e Energjisë.
Discussion about this post