Aksident në Lushnjë – Berat, dy persona dërgohen në spital në gjendje të rëndë

Aksident i rëndë ka ndodhur pasditen e së dielës në aksin nacional Lushnje – Berat.

Si pasojë e përplasjes, dy persona transportohen me urgjencë në spitalin e Lushnjës në gjendje të rëndë.

Mjeti tip ‘Benz’ me targa ‘AB 460 BA’ ka tentuar të kthehet duke ndryshuar kursin 180 gradë, pra duke ikur drejt Beratit ka kthyer në vend për në drejtim të rrethrrotullimit të Savrës. Mjeti tip kamionçinë me targa ‘AA608 JI’ e ka përplasur nga pas.

Përplasja ka qenë e fortë dhe dy nga katër udhëtarët në ‘Benz’ janë lënduar rëndë. Ambulanca i ka dërguar me urgjencë në spitalin e Lushnjës ku ndodhen nën kujdesin e mjekëve.