Pas derbit të fituar me rezultatin 1-2 nda Partizanit, presidenti i Tiranës, Refik Halili ka dhënë një lajm shumë të bukur për tifozerinë ‘Bardheblu’.
Teksa foli në përfundim të ndeshjes për mediat, ai theksoi se skuadra e tyre do të përforcohet akoma më shumë gjatë merkatos së janarit.
“Nuk do të reshtim për të bërë një ekip sa më të mirë, më të plotësuar. Shehi ka dhuratën më të mirë që drejton klubin e Tiranës. Si sportist ka qenë mjaft mirë. Po bën punën e tij me gjithë stafin padyshim për të mirën e Tiranës. Urojmë të jetë i gëzuar të fitojë sa më shumë. Është një grup i shkëlqyer me çuna të mirë. Shpresoj që të rrinë gjithmonë bashkë.”-theksoi ai.
Pas këtij takimi Tirana vijon që të qëndrojë në krye të tabelës së Superligës, duke u shkëputur në kuotën e 33 pikëve, 5 më shumë se Kukësi i vendit të dytë./K.T/Gijotina.com
Discussion about this post