Nga dita e sotme Greqia përforcon masat kufizuese kundër përhapjes se koronavirusit. Konkretisht, qytetarët grek do duhet të mbajnë maskë me detyrim në të gjitha ambientet e jashtme dhe të brendshme, madje edhe në palestra dhe lokale. Ndërsa në supermarkete dhe në mjetet e transportit publik duhet të vendosen dy maska. Masat e reja janë vendosur në prag të festave të fundvitit, ku gjithashtu janë ndaluar organizmi i festave për Krishtlindje dhe Vitin e Ri.
“Qytetarët, pavarësisht nga statusi i tyre i vaksinimit, kërkohet të mbajnë maskë brenda dhe jashtë, duke përfshirë palestrat, restorantet dhe baret, maska do të hiqet vetëm kur qytetarët hanë ose pinë. Bëhet i detyrueshëm përdorimi i një maskë të dyfishtë ose një maskë me mbrojtje të lartë (KN95) në supermarkete dhe transport publik”, thuhet në njoftimin e qeverisë.
Për sa i përket masave, bëhet me dije se mosrespektimi do të sjellë gjobat administrative përkatëse ndërsa më 27 dhjetor komiteti teknik i ekspertëve do të mblidhet për të vlerësuar efektivitetin e tyre dhe për të vendosur nëse nevojiten masa shtesë para ose pas datës 3 janar.
Discussion about this post