Prej disa muajsh rresht, banorët të lagjes ‘5 Maj’ në Tiranë kanë dalë sërish sot në protestë kundër shembjes së banesave të tyre. Sipas Bashkisë Tiranë, nesër banorët e zgjedhur sipas shorteut do të futen në shtëpitë e reja, por kjo është e gjitha një tallje, pasi këta banorë nuk figurojnë në listë.
“Jo se pres gjë për shorteun nesër, jemi 12 familje që na janë shemb shtëpitë dhe mendova se na e shkruan emrin. Nuk na e kanë dhënë bonusin e qerasë, asnjë prej atyre në listë nuk i njoh. Ne jemi rrit këtu me njëri-tjetrin por asnjë I lagjes nuk është në listën. Kërkesa është të na fusë sa më shpejt te hyrjet”, u shpreh një banor.
Shpesh herë ata janë shprehur të vendosur që nuk do të lejojnë të shemben banesat edhe nëse do duhet të përballen fizikisht. Një banor tha që është skandal dhe tallje nga ana e Veliajt që për tre muaj resht që ata protestojnë, ai nuk ka shkuar një ditë të vetme të bisedojnë dhe gjejnë njëjzgjidhje të përbashkët.
“Unë nuk e kam firmosur letrën se nuk jam dakord me atë marrëveshje. Nëse më fut në qira pasi më shemb shtëpinë, të na mbulojë qiranë dhe të na e hedhë në emër tim jo të atij. Kemi 3 muaj që po rrimë këtu dhe askush nuk po jep zgjidhje. Çfarë të presim më nga ky shtet me premtime boshe? Unë nuk pres strehim nga Erion Veliaj dhe as nuk dua të më thotë mua po ta dhuroj, se e kam shtëpinë. Unë nuk dal nga shtëpia me dhunë sepse është investim pa asnjë lloj transparence”, tha një banorë, ndërsa kanë kërkuar më shumë mbështetje edhe nga opozita.
Discussion about this post