Presidenti Ilir Meta ka dekretuar ligjin për ratifikimin e marrëveshjes mes Shqipërisë dhe Britanisë së Madhe si dhe Irlandës së Veriut për ekstradimin e personave të dënuar.
Meta thotë se kjo marrëveshje e re thjeshtëzon procedurat për transferimin e personave të dënuar nga njëri shtet te tjetri dhe ndihmon në zbatimin efektiv të parashikimeve të marrëveshjes nga ana e organeve respektive.
“Kjo marrëveshjeje e re thjeshtëzon procedurat për transferimin e personave të dënuar nga njëri shtet tek tjetri; ndihmon në zbatimin efektiv të parashikimeve të marrëveshjes nga ana e organeve respketive proceduese pjesëmarrëse në këto procedura; si dhe forcon bashkëpunimin ndërkombëtar në fushën e drejtësisë penale ndërmjet Republikës së Shqipërisë dhe Mbretërisë së Bashkuar të Britanisë së Madhe dhe Irlandës së Veriut, në përmbushje si të qëllimeve të drejtësisë dhe rehabilitimin shoqëror të personave të dënuar”, shkruhen në njoftim.
Sipas të dhënave statistikore të bëra publike në praktikën parlamentare, për 1 580 shtetas që po vuajnë dënimin, do të ketë mundësi transferimi në vendin e origjinës në funksion të lehtësimit të riintegrimit të tyre.
Discussion about this post