Ndërron jetë këngëtari me famë botërore, shembet papritur në skenë

Reperi amerikan Fatman Scoop ka vdekur mbrëmë në moshën 53 pas një ataku kardiak që pësoi gjatë përformancës.

Artisti me emrin e vërtetë Isaac Freeman III, u shemb mbrëmë përtokë teksa performonte në skenën e Hamden Town, Connecticut.

Britma dëgjoheshin nga audienca teksa artisti shihej që mezi po mbahej në këmbë para rrëzimit, dhe më pas u zhduk nga pamja, teksa mjekët tentonin ta risillnin në jetë.

Sot organizatorët e turneut të tij njoftonin vdekjen e papritur.

“Mbrëmë një shpirt i shkëlqyer i skenës e i dritës, u nda nga jeta”, shkruanin producentët për tre herë fituesin e çmimeve muzikore Grammy.

Pamje të regjistruara nga audienca tregonin momentet kur këngëtari u shemb përtokë disa sekonda pasi i kërkoi audiencës “Bëni më shumë zhurmë!’

Pak më vonë artisti ‘hip-hop’ ra përtokë duke lëshuar dhe mikrofonin mes ulërimave të audiencës .

Disa minuta më vonë mjekët morën reperin në një barrelë dhe e dërguan me nxitim në spital.

Kryebashkiaja e Hamden, Lauren Garett tha pas incidentit se Scoop pësoi një “emergjencë mjekësore” dhe i kërkoi fansave ta mbanin atë në mendimet e lutjet e tyre.

Dje i ndjeri Scoop kishte publikuar videon muzikore të bashkëpunimit të tij me Dyce Paso, me këngën e re ‘Let It Go.’