Aksident në Velipojë, makina përplas 81-vjeçarin me bicikletë

Një aksident është regjistruar mëngjesin e kësaj të hëne në Velipojë.

Drejtuesi i mjetit, 27 vjeç, ka përplasur biçikletën me të cilën lëvizte një 81-vjeçar, i cili ka marrë lëndime dhe është transportuar në spitalin rajonal të Shkodrës.

“Rreth orës 08:45, në Velipojë, automjeti me drejtues shtetasin 27  vjeç, ka përplasur biçikletën me të cilën lëvizte shtetasi 81 vjeç. Si pasojë është dëmtuar lehtë shtetasi 81 vjeç, i cili është transportuar në spitalin rajonal të Shkodrës, ku po merr ndihmë mjekësore. Grupi hetimor po punon për sqarimin e rrethanave të aksidentit.”, thuhet në njoftimin e policisë.