Veliaj “lëshon dorën”, tender pa garë me 307 milionë lekë për puseta dhe zgara

Investimet e dobëta në vend, kanë bërë që prej vitesh Shqipëria të përmbytet, e populli të ngelet në mëshirë të fatit. Është pikërisht kjo periudhë ku bashkitë shfrytëzojnë rastin të hedhin tendera pa garë, duke shpenzuar miliona lekë nga buxheti i shtetit. Mungesa e investimit në infrastrukturë dhe mosndërhyrja në kanalet kulluese, kanë sjellë rrugë e toka të shkatërruara nga pushteti i reshjeve të dendura të shiut.

Bashkitë kanë rritur detyrimet e prapambetura gjatë këtij viti duke u justifikuar se nuk kanë të ardhura t’i shlyejnë ato. Sipas raportimit nga gijotina.com shumë prej tyre nuk kanë bërë as investimet që kishin planifikuar për shkak se nuk kanë fonde, por kur vjen fjala për tenderë dhe shpenzime abuzive paratë derdhen nga thesi.

Kështu, Bashkia e Tiranës do të shpenzojë 30.675.000 (tridhjetë milion e gjashtëqind e shtatëdhjetë e pesë mijë) lekë pa TVSH.

Tenderi i hapur nëpërmjet  “Bashkisë Tiranë”, për blerje blerje të zgarave dhe pusetave mban numrin e referencës  REF-08885-10-20-2021 dhe ka fond limit prej  30.675.000 të reja ose rreth 307 milion lekë të vjetra.

Kryetari i bashkisë Tiranë Erion Veliaj, ka lëshuar këtë tender pa garë me një kompani të privilegjuar. Për këtë, kjo procedurë ka marrë flamur të kuq nga “Open Data”.