Dy persona janë plagosur me armë zjarri në Tiranë, në zonën e “Don Boskos”. Ata janë Renaldo Metudhi, 22 vjeç dhe Kastriot Elezi, 45 vjeç.
Në një njoftim paraprak për ngjarjen, policia e Tiranës konfirmoi se të lënduarit ndodhen spital për të marrë ndihmë mjekësore.
“Në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve”, njoftoi policia.
“Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorëve të dyshuar”, shtuan të njëjtat burime, pa dhënë të tjera detaje rreth dinamikes së ngjarjes.
Ndërkohë, burime policore thanë se nga të dhënat e grumbulluara deri më tani, dy të plagosurit kanë qenë duke pirë kafe në një lokal lagjeje, kur aty është afruar në këmbë një person me kapele dhe i ka qëlluar me armë. Pas të shtënave, autori është larguar me një motoçikletë.
Discussion about this post