Janë publikuar fotot e dy personave që mbetën të plagosur në atentatin që ndodhi sot në mesditë në lagjen “Don Bosko” të Tiranës. Të plagosurit janë Kastriot Elezaj, 45 vjeç, dhe Ronaldo Metushi, 22 vjeç.
Sipas informacionit të fundit, Kastriot Elezi është shënjestra kryesore e atentatit dhe ka marrë një plumb në gjoks-shpatull, ndërsa Ronaldo Metushi është qëlluar në këmbë. Të dy ata janë transportuar në spital dhe ndodhen nën kujdesin mjekësor. Sipas dëshmitarëve, autorët e sulmit përdorën armë me silenciator dhe u larguan nga vendi i ngjarjes menjëherë pas krimit.
Makina Volkswagen Golf 5 që u përdor nga autorët është gjetur e djegur në zonën e Qerekës. Policia po heton për identifikimin dhe kapjen e autorëve, që mendohet se ishin tre persona. Sipas informacionit të dhënë nga drejtori i Policisë së Tiranës, Tonin Vocaj, autori i dyshuar ishte i maskuar dhe mbante një kapelë në kokë.
Kush ishte objektivi i atentatit, Kastriot Elezaj i dënuar për prostitucion në Itali
Kastriot Elezaj, 45-vjeç ka mbetur i plagosur mesditën e sotme nga një atentat me armë zjarri. 45-vjeçari ka marrë plumb në krah dhe në mushkëri.
Burimet mediatike bëjnë me dije se Kastiot Elezaj rezulton me të shkuar kriminale. Ai ka qenë i dënuar në Itali për shfrytëzim prostitucioni. 45-vjeçari është arrestuar pak kohë më parë me qëllim ekstradimin e tij dhe pasi ka kryer dënimin është kthyer në vendin tonë.
gijotina.com/
Discussion about this post