Francesco Totti u bë një simbol te Roma gjatë karrierës së tij si lojtar, por kur u tërhoq në vitin 2017 ai donte të humbiste një penallti në “Stadio Olimpico” në ndeshjen e tij të fundit.
Pas 786 ndeshjeve dhe 307 golave me ngjyrat e famshme të Romës, Totti theu zemrat e miliona njerëzve kur i dha lamtumirën kryeqytetasve në fund të sezonit 2016/17.
Ndeshja e tij e fundit erdhi në një fitore emocionuese 3-2 kundër Genoas, sulmuesit italian iu dorëzuan shiritin e kapitenit nga Daniele De Rossi pasi hyri si zëvendësues në pjesën e dytë.
Juan Jesus zbuloi se shoku i tij i atëhershëm i skuadrës donte ta përfundonte ndeshjen kundër Genoas duke humbur një penallti.
“Para ndeshjes së tij të fundit, Totti na tha se nëse do të merrte një penallti nuk do të shënonte dhe do ta dërgonte topin te tifozët”, tha ai.
Ideja ishte të ishte një gjest për të dërguar topin drejt tifozëve, megjithëse ata me siguri do të kishin preferuar të festonin një gol, në mënyrë që të falenderonin për gjithë mbështetjen e tyre ndër vite. Totti nuk do ta vinte kurrë në veprim planin e tij nëse skuadra e tij nuk do ta fitonte ndeshjen, megjithëse edhe një epërsi me një gol mund të ishte mjaft e rrezikshme.
Në fund nuk pati penallti në “Stadio Olimpico” atë natë, kështu që ish-kapiteni i klubit nuk u desh ta humbiste një të tillë.
Discussion about this post