Ronaldo në lot, Portugalia mposht Kroacinë

Kristiano Ronaldo ka arritur të gjejë rrugën e rrjetës përballë Kroacisë në Ligën e Kombeve, duke shënuar golin e 900 në karrierën e tij.

Një asistim perfekt i Nuno Mendes është kapur mjaft mirë nga sulmuesi, i cili me një goditje perfekte brenda zonës dërgoi topin në rrjetë, duke shpërthyer menjëherë në lot, pas shënimit të arritjes jubilare.

Portugalia dhe Kroacia po ndeshen në kuadër të javës së parë të Ligës së Kombeve, me ndeshjen që momentalisht është fiksuar në rezultatin 2-1, pas golave të Diogo Dalot e Kristiano Ronaldo, ndërsa një autogol i Dalot shkurtoi shifrat për ballkanasit.