Ditën e hënë vendi ynë do të ndikohet nga kushte atmosferike të paqëndrueshme.
Moti parashikohet fillimisht kthjellët më pas zhvillim të vranësirave, të cilat do të jenë mesatare dhe të dendura. Duke filluar prej mesditës, do të kemi reshje shiu me intensitet të ulët në jug të vendit. Gradualisht reshjet fitojnë intensitet dhe shtrihen në pothuajse në të gjithë territorin në formën e shtrëngatave të herëpasherëshme me shkarkesa elektrike si dhe rrebeshe të shpejta.
Në intervale afatshkurtra do ketë edhe prezencë të breshërit kryesisht në relievet malore. Gjatë orëve të mesnatës në perëndim dhe në jug, në intervale të shkurtra kohore reshjet parashikohen me intensitet deri të lartë dhe problematike.
Era do të fryjë me drejtim nga kuadrati i jugut me shpejtësi mesatare 3–8 m/sek, ndërsa në lugina, male e përgjatë vijës bregdetare era shfaqet intensive me shpejtësi 9–17 m/s, shoqëruar me valëzim në dete të forcës 3-5 ballë.
Temperaturat parashikohen 17 deri 27°C në zonat malore, 18 deri 35°C në zonat e ulëta dhe 20 deri 34°C në zonat bregdetare.
Discussion about this post