Kombëtarja e Kosovës do të zhvillojë sot ndeshjen e dytë në Ligën e Kombeve, pas një starti katastrofal ku u mposht nga Rumania me rezultat 0-3.
Dardanët do të luajnë në stadiumin AEK Arena në Laranca përballë Qipros, në një përballje që vetëm fitorja vlen.
Ky duel mes Qipros dhe Kosovës zhvillohet më 18:00.
Kjo ndeshje vjen pas zhvillimeve të fundit ku përzgjedhësi Franco Foda përjashtoi tre futbollistët si Edon Zhegrova, Arijanet Muric dhe Florent Muslija për shkak se thyen rregulloren e brendshme të Kombëtares.
Megjithatë, dardanët kërkojnë reflektim dhe synojnë të marrin tre pikët e para në Ligën e Kombeve.
Qipro nga ana tjetër vjen pas fitores 1-0 ndaj Lituanisë në ndeshjen e parë dhe synon që të marrë edhe një tjetër rezultat pozitiv përballë Kosovës.
Discussion about this post