Policia e Kosovës ka vënë nën kontroll mëngjesin e sotëm zonën e quajtur “Kodra e Diellit”, pasi është raportuar se janë dëgjuar breshëri të shtënash. Në njoftimin zyrtar thuhet se 4 persona janë konfliktuar me njëri-tjetrin për shkak të një mosmarrëveshjeje. Dyshohet se kjo ka qenë dhe arsyeja e përdorimit të armëve të zjarrit dhe të shtënave që janë dëgjuar në zonë.
Të dyshuarit janë arrestuar dhe gjatë kontrollit dy prej tyre iu janë gjetur dhe sekuestruar dy pistoleta me 15 copë fishekë dhe një gëzhojë. Të dyshuarit pas trajtimit mjekësor janë intervistuar nga policia për të zbuluar rrethanat e plota të ngjarjes.
Discussion about this post