Pas barazimit të Maqedonisë së Veriut kundër Ishujve Faroe, ka reaguar futbollisti më i shquar maqedonas, Goran Pandev, i cili ka kërkuar dorëheqjen e presidentit të Federatës së Futbollit, Muhamed Sejdini.
“Unë kam një mesazh për Muhamed Sejdinin. Ai duhet të largohet si njeri, jo si frikacak dhe kjo duhet të ndodhë sa më parë, pavarësisht se mandati i skadon në mars. Largimi i tij do të jetë diçka e mirë për futbollin, por edhe për të personalisht, sepse njerëzit që tani janë bashkëpunëtorët dhe këshilltarët e tij po e çojnë atë dhe futbollin drejt rrënimit.
Po, e dua dhe e mbështes ndryshimin. Para disa javësh pata një takim me Masar Omeragiç dhe i thashë se isha në dispozicion të tij. E di që do të hyjë në garë për president të FFM-së, pozitë për të cilën ka luftuar 12 vite më parë dhe pozitë që i është marrë me dhunë”, u shpreh Pandev.
Discussion about this post