Armando Broja do të jetë një tifoz special në shkallët e “Air Albanaia” mbrëmjen e kësaj të marte, kur Shqipëria do të përballet me Gjeorgjinë.
Sulmuesi i Everton ndodhet në kryeqytet dhe ka pozuar me Tifozat Kuq e Zi, të cilët mbajnë në duar flamurin e UÇK-së.
Broja, një nga futbollistët më të dashur të Kombëtares mbetet edhe këtë herë jashtë grupit të grumbulluar nga Silvinjo për shkak të një dëmtimi.
Duke nisur nga ora 20:45, Shqipëria përballet me Gjeorgjinë në Tiranë, sfidë e vlefshme për “Nations League”.
Pas suksesit me Ukrainën, Kombëtarja do të renditej e para me 6 pikë në grupin A në rast të një fitoreje me gjeorgjianët, që gjithashtu mundën Çekinë në sfidën hapëse.
Për sa i përket formacionit startues, Silvinjo pritet ti besojë njëmbëdhjetëshes së hedhur në fushë në ndeshjen ndaj Ukrainës.
Discussion about this post