Kompany: Shanset që të luaja në Ligën Premier ishin zero, tani jam trajner i Bayernit

Legjenda belge, Vincent Kompany e filloi me sukses ndeshjen e tij të parë si trajner i Bayern Munchen në Ligën e Kampionëve.

Bayerni mundi Dinamon e Zagrebit me rezultat të thellë 9-2 në ndeshjen e parë të sezonit në fazën e grupeve.

Pas ndeshjes, Kompany shfrytëzoi mundësinë për të ndarë diçka personale nga jeta e tij, si përgjigje ndaj atyre që kanë sugjeruar se ai nuk është gati për një klub të madh si Bayerni.

“Do t’ju them diçka në mënyrë të shpejtë vetëm për të vërtetuar një pikë”, ka thënë fillimisht legjenda e Manchester Cityt.

“Kam lindur në Bruksel, babai im ishte një refugjat i ardhur nga Kongo. Cilat janë shanset e mia për të luajtur në Ligën Premier, për të fituar diçka si lojtar, për të luajtur për kombëtaren? Shanset ishin zero. Ndërsa tani unë jam trajner i Bayernit.

A thjesht ndaloni së besuari në veten tuaj dhe atë që mund të arrini për shkak të asaj që thonë njerëzit e tjerë. Mentaliteti është të vazhdosh dhe në fund, nëse dështon, dështon, nëse ia del mbanë, ia del, por gjithmonë mund të bëhesh më i mirë.

Në rrjetet sociale gjithmonë mund të gjesh gjëra, kështu që unë nuk e marr me të vërtetë personale”, përfundoi tekniku i bavarezëve.