Përforcohet Laçi, rikthehet mesfushori që ka luajtur me Kombëtaren

Mesfushori Sherif Kallaku do të jetë përforcimi i parë i Laçit këtë merkato të dimrit.

Lojtari do të rikthehet sërish te kurbinasit, pasi aty është vendi ku ka nisur edhe karrierën në futbollin elitar shqiptar.

Ai kishte shkuar te Lokomotiva e Zagrebit për 150 mijë euro nga Teuta dhe tashmë do të huazohet deri në fund të sezonit te skuadra e drejtuar nga Mirel Josa.

Ai ka luajtur për Laçin edhe në sezonin 2017-2018, ku u aktivizua në 27 ndeshje, 11 prej të cilave si titullar. Kallaku ka luajtur gjithashtu edhe disa ndeshje me ekipin kombëtar.