Hansi Flick nuk e fshehu dot zhgënjimin për humbjen e parë si trajner i Barcelonës në ndeshjen e gjashtë zyrtare. Gjermani kishte humbur vetëm një ndeshje në Champions League me Bayernin nga 18 që kishte zhvilluar gjithsej.
Flick e konsideroi të drejtë rezultatin përfundimtar në “Stade Louis II” kundër Monacos:
“Loja ndryshoi pas kartonit të kuq në minutën e 10-të, duke ndryshuar idenë dhe planet tonaë. Jemi mbrojtur me pasion, por kemi bërë disa gabime. Kam parë shumë aspekte pozitive të lojës. Kishim raste, por në fund ata futën lojtarë të shpejtë dhe e merituan fitoren. Nuk kemi luajtur në nivelin më të lartë apo si duam të luajmë. Duhet ta pranojmë. Tani duhet të rikuperohemi dhe të kthehemi më të fortë. Kemi edhe shtatë shanse të tjera”.
Gjermani kërkon ta kalojë sa më shpejt këtë zhgëjim, sepse po troket sfida tjetër, ajo me Villarrealin në La Liga:
“Kishte zhgënjim në dhomat e zhveshjes dhe u thashë se tani duhet të rikuperohemi për të dielën. La Liga është e rëndësishme dhe ne duhet të vazhdojmë të fitojmë. Duhet të analizojmë lojën dhe të flasim me lojtarët për të parë se çfarë nuk kemi bërë mirë. Nuk do të jetë e lehtë, por duhet të rikuperojmë energjinë. Duhet të kthehemi më të fortë dhe të rikuperojmë. Kemi një ndeshje të dielën dhe duhet të japim maksimumin”, shtoi ai.
Discussion about this post