Shpërthim me tritol në banesën e një 62 vjeçari në Vaun e Dejës (Emri)

Një sasi lëndë plasëse është hedhur në portën e jashtme të banesës së një 32-vjeçari në Vaun e Dejës.

Ngjarja ka ndodhur rreth orës 21:10 në fshatin “Bushat. Si pasojë e shpërthimit ka pasur vetëm dëme të vogla materiale.

Sipas informacioneve të para nga policia, shpërthimi ka ndodhur në portën e jashtme të banesës së shtetasit Filip Dodaj.

“Rreth orës 20:10, në fshatin “Bushat”, Vau i Dejës, në portën e jashtme të banesës së shtetasit F. D., 62 vjeç, është hedhur një sasi e vogël, dyshohet lëndë plasëse.

Si pasojë ka vetëm dëme të vogla materiale.

Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.”, thuhet në njoftimin e policisë.

Fqinji i Filip Dodajt, 62-vjeçarit të cili iu vu tritol në portën e jashtëm të banesës mbrëmjen e sotme në Vuan e Dejës, ka treguar detaje rreth shpërthimit.

Tonin Dodaj, ka treguar se shpërthimi ka ndodhur rreth orës 8:10 e mbrëmjes ku kanë dëgjuar shpërthimin, i cili sipas tij ka shkaktuar një zhurmë shumë të fortë.

Ai u shpreh se nga zhurma kanë dalë të gjithë banorët nga banesat e tyre, ndërsa shton se si fillim kishin menduar se mos kishte shpërthyer ndonjë bombol gazi ose ndonjë cisternë.

Ndër të tjera, ai tregoi se 62-vjeçari Filip Dodaj nuk ka qenë në banesë në atë moment dhe se policisë i ka rrëfyer se nuk ka probleme me ndokënd.

“Kam qenë brenda, 8:10 ka qenë ora. Ishte zhurmë e fortë. Doli e gjithë lagja jashtë. Thamë mos ishte ndonjë bombol gazi, ndonjë cisternë. Filipi nuk ishte në shtëpi. Ndjemë erën pastaj. Filipi nuk ka probleme me asnjë, edhe policia e pyeti. “Nuk kam gjë” i tha. Kamerat janë të banesës së Filipit, se ka frigoriferin e peshkut”, tregoi ai.