Komiteti i Arbitrave në UEFA pranoi dje gabimin e arbitrit Anthony Taylor, teksa gjatë Spanjë 1-1 Gjermani në Euro 2024 nuk akordoi një penallti për organizatorët pas prekjes me dorë të Marc Cucurellas së iberikëve.
Një episod që mund të kishte ndryshuar historinë e kompeticionit, të cilin skuadra e Spanjës e fitoi më vonë edhe falë golit të Merinos në minutën e 119-të të asaj ndeshje.
Me të mësuar lajmin, Toni Kroos reagoi me sarkazmën e zakonshme: “U deshën tre muaj për të kuptuar se ishte dora, të cilën pothuajse të gjithë e kuptuan pas disa sekondash. Kjo më qetëson pa masë dhe më bën të ndihem mirë. Tani që u konfirmua zyrtarisht, a do të mund ta quaj veten kampion Evrope?”.
Kjo ndeshje ishte e fundit për Toni Kross, i cili u tërhoq nga futbolli aktiv. Polemika për atë rast ishte e madhe, ndërsa edhe specialistët e gjykimit ishin të ndarë në mendime.
Discussion about this post