Dashi
Një ditë e ngarkuar kjo e sotmja. Ngadalësoni pak e sqaroni problemet e pazgjidhura! Dialogu duhet të ketë përparësi për të kaluar vështirësitë e mbetura nga vera e kaluar. Në punë rrini vigjilentë pasi kolegët janë të zhgënjyer nga sjelljet tuaja. Fati është me ju, por pasiguritë që keni ju stepin para hapave që duhet të hidhni. Pika e dobët është e shkuara juaj, çelësi i suksesit; dashamirësia për më të dobëtit.
Demi
Një tension emocional do ju stepë para planeve që kishit bërë në çift. Mos u dorëzoni, por merreni shtruar, çdo problem e ka një zgjidhje. Puna nuk po shkon edhe aq mirë, ndaj mos u hidhni direkt në sulm kur ju kërkojnë llogari. Me shëndetin bëni kujdes pasi koha nuk ju favorizon. Pika e dobët është momenti i gabuar për të ndërhyrë, çelësi i suksesit; pasionet e rrëmbyera për të tejkaluar limitet.
Binjakët
Në dashuri po ndiheni mirë. Dhurojini personave që ju rrinë afër sigurinë e një zemre të sinqertë siç jeni ju. Partneri pret nga ju ngrohtësi, ndaj është koha të shprehni gjithë atë që ndjeni. Puna po shkon në drejtimin e duhur po duhet ende punë për të arritur atje ku dëshironit. Lëvizni, vraponi dhe jepini të tjerëve dorën për të ecur me një hap me ju. Pika e dobët është frika për të shkuar larg, çelësi i suksesit; çiltërsia.
Gaforrja
Ruani të paprekur vulnetin për të qenë të hapur me persona që kanë dëshirë për komunikim. Qëndroni këta që jeni për t’u shquar në mesin tuaj për vlerat që keni. Një luhatje e vogël emocionale, do ju ndikojë pa shkak. Lojërat me partnerin do ju përballin me një realitet jo shumë të këndshëm. Pika e e dobët është tundimi, çelësi i suksesit; fjalët e ëmbla.
Luani
Dëshira për t’u tërhequr e për t’i parë gjërat në distancë ju ka mpirë çdo shqisë. Në krye të prioriteteve duhet të vini shëndetin dhe të mos toleroni asnjë person të shfrytëzojë aftësitë tuaja. Shpirti I lirë dhe krenaria ju bëjnë të dashur për kolegët, duke jua shtuar përgjegjësitë. Pika e dobët sot është tendenca për të qenë lider, çelësi i suksesit, sensi i hollë i humorit.
Virgjëresha
Prirjet tuaja për t’u marrë me art po ju vendosin në fokus të grupit. Liria që kërkoni për t’u marrë me veten është kuptuar nga të tjerët si indiferencë, ndaj ju duhet të jeni të qartë. Dita është e favorshme për të kthjelluar qëndrimet tuaja dhe për të pozicionuar mirë veten në rolin tuaj social. Pika e dobët është ndjeshmëria e lartë ndaj shqetësimeve të të tjerëve, çelësi i suksesit; temperamenti i shtruar dhe komunikativ.
Peshorja
Kjo ditë do ju vërë në një pozitë përgjegjësie para partnerit. Koha, indiferenca dhe distanca ju kanë lejuar që mes jush të futen persona të tjerë. Vlerësoni ndjesitë dhe mbani fort ato që ju takojnë. Peshoni siç duhet pasurinë dhe kujdes me shpenzimet. Pika e dobët është shkëputja nga realiteti për të hequr dorë nga detyrimet, çelësi i suksesit; kujdesit për pamjen e jashtme.
Akrepi
Momente intime që janë shndërruar në çaste të qeta e të domosdoshme mes jush dhe partnerit rrezikojnë t’ju kthehen në prioritet duke mos qenë më akrepët aktivë dhe shumë kërkues në profesionet tuaja. Lidhjet dashurore duhet të marrin hapësirën e tyre, duke mos ju vënë në diskutim karrierën. Familja ka prioritet dhe në horizont lexohet lajmi i mirë për të patur fëmijë.
Shigjetari
Shigjetarë po shkoni drejt një rruge që në fund ka plot mistere. Profesioni juaj ju ka lënë në hije pasione që dikur i jepnit shumë rëndësi dhe binit në sy. Familja është në një fazë të qetë, shëndeti do pak vëmendje për të mos patur pasoja më vonë. Pika e dobët është injorimi I shenjave që ju dërgojnë mesazhe kuptimplota dhe çelësi i suksesit është talenti për të arreduar bukur ambientet tuaja.
Bricjapi
Dashuroni sot si të ishte dita e fundit. Reflektimi juaj në muret e ftohta të rrethit shoqëror ka tronditur themelet e vetëdijes duke i bërë të kuptojnë se çfarë ka vërtetë rëndësi. Pika e dobët është distanca me kolegët e rinj, çelësi i suksesit; aftësia për të pikasur personat pozitivë.
Ujori
Kush mund t’i rezistojë një ujori sharmant dhe shumë të dashur? Pasuria është kryefjala juaj këtë periudhë, por edhe ndonjë xhelozi tek-tuk. Hiqni dorë nga njerëzit që nuk kanë energjinë tuaj dhe shijoni çdo moment! Pika e dobët të dashur ujorë është intuita, çelësi i suksesit; gjendja financiare.
Peshqit
Projekte të reja që kërkojnë investim; kjo është çështja që do ju impenjojë gjatë. Përllogarisni drejt të ardhurat dhe fitimet për të mos ecur kuturu. Mania për të patur përtej mundësive ju ka vënë në lëvizje për të mos lënë asgjë të bjerë në tokë. Pika e dobët është mungesa e miqve të afërt çelësi i suksesit; taktika për të marrë atë që doni nga kjo jetë.
Discussion about this post