Në kërkim nga Italia, arrestohet në Tiranë 46-vjeçari me dy emra

Një person i shpallur në kërkim nga autoritetet italiane është arrestuar në Tiranë me qëllim ekstradimin drejt shtetit fqinjë.

Burime zyrtare nga blutë e kryeqytetit njoftuan se në pranga u vu Gentian Kadillari alias Endri Zyli Imeraj 46 vjeç, banues në Tiranë. Ai u ndalua në zonën e “Don Boskos”.

46-vjeccari, shtuan të njëjtat burime, ishte shpallur në kërkim ndërkombëtar pasi Gjykata e Apelit Ankona e ka dënuar me 5 vjet e 11 muaj burgim për veprat penale “Vjedhja në rrethana rënduese”, “Armëmbajtja pa leje” dhe “Mbajtja e dokumenteve të falsifikuara” parashikuar nga Kodi Penal italian.