Detaje të reja kanë dalë në pah nga hetimet lidhur me vrasjen e 66-vjeçarit, Behar Sofisë. Ngjarje e ndodhur në 24 shkurt ku 66-vjeçari u qëllua me dy plumba, një prej të cilave në kokë, duke i marrë jetën. Sipas burimeve zyrtare është bërë e mundur identifikimi i autori të vrasjes së Behar Sofisë. Ndaj bashkëpunëtorit në vrasje, që raportohet se është një 45-vjeçar B.L, t është caktuar masa “arrest me burg”, për veprat penale “Vrasja me paramendim” dhe “Mbajtja pa leje e armëve, armëve shpërthyese dhe municionit”, kryer në bashkëpunim të veçantë, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Viktima Behar Sofia 66-vjeç njihej si mik i afërt i Dritan Dajtin, ndërsa ishte akuzuar dhe për trafik droge në bashkëpunim me biznesmenin turk të drogës Adbulselam Turgut, i cili kishte krijuar edhe një grup kriminal në Shqipëri. Në burg gjithashtu lidhur me vrasjen e Behar Sofisë po qëndron Ernjet Shyti, i cili ka pranuar autorësinë e krimit dhe është identifikuar nga grupi hetimor si autori kryesor. Gjithashtu në burg ndodhen dhe bashkëautorë të tjerë Xhuljano Visha 28 vjeç, Leonard Xhixha 30 vjeç dhe Skënder Vathi 54 vjeç.
Discussion about this post