Për shkak të përhapjes se variantit Omicron, shumë vende kanë përforcuar masat për turistët shqiptarë që nisen nga Rinasi për në vendin e tyre. Të njëjtën gjë ka kërkuar epidemiologu Fabian Cenko edhe për vendin tonë. Gjatë një interviste televizive ai tha se aeroporti i Rinasit duhet të aplikojë për hyrjet nga jashtë të njëjtat rregulla që aplikohen për qytetarët që dalin nga Shqipëria dhe hyjnë në vendet e Europës.
“Varianti Omicron tashmë ka hyrë dhe është provuar me testimet e para dy ditëve. Personat që udhëtojnë nga vendet europiane janë ata që mund ta shtojnë këtë ritëm. Kontrollet duhet të jenë, sepse ne i bëjmë kur shkojmë në vend tjetër. Besoj që janë masa reciprociteti që ndihmojnë në kontrollin e virusit”, tha ai. Sipas mjekut, këto masa do të ndihmojnë në kontrollin e përhapjes së virusit. Ndërsa kujtojmë se shumë vende të tjera kanë anuluar edhe koncertet e Vitit të Ri për shkak të virusit, ndërsa në Shqipëri deri më tani vazhdojmë me të njëjtat masa si më parë.
Discussion about this post