Policia Rrugore ka blinduar kryeqytetin sot dhe ka ndëshkuar me qindra shoferë të pabindur. Nga kontrollet e kryera ka rezoltuar se shoferët në vend nuk ndërgjegjësohen dhe vazhdojnë të shkelin në masa rregullat. Brenda ditës së sotme janë arrestuar ë arrestuar 16 drejtues mjetesh të cilët u kapën në gjendje të dehur, ndërsa një prej tyre ka tentuar të korruptojë policinë. Ndërsa janë vendosur edhe dhjetëra gjoba për shkelje të rregullave rrugore si dhe “drifteve” që makinat bënin gjatë orëve të vona të natës.
Konkretisht, janë gjobitur nga 10.000 deri në 20.000 lekë 12 drejtues mjetesh, për drift në sheshin “Nënë Tereza” dhe tek TEG-u. Si dhe 9 drejtues të tjerë mjetesh, me nga 20.000 deri 40.000 lekë të rinj secili, për gara shpejtësie në Unazë të Re, në segmentin Liqeni i Thatë – TEG.
Njëkohësisht, janë ndëshkuar me nga 20.000 deri në 30.000 lekë të rinj, për shkelje të semaforit 18 drejtues mjetesh. Sakaq, bëhet me dije se, 14 drejtues mjetesh luksoze, me nga 5.000 deri në 20.000 lekë të rinj secili, për xhama të zinj, modifikim targash dhe mangësi të theksuara në dokumentacion. Ndër të tjera, janë vendosur 256 masa administrative, për parakalime të gabuara dhe parkime mbi trotuar apo në vija të bardha. Gjithashtu, janë pezulluar 35 leje drejtimi, për shpejtësi dhe për drejtim mjeti nën efektin e alkoolit.
Discussion about this post