Flamur Noka i ftuar këtë mbrëmje në Top Story ka deklaruar se Ervin Salianji është në burg sepse sipas tij guxoi të denonconte vëllanë e ish-ministrit Fatmir Xhafaj.
Ai shkoi më tej kur tha se dënimi i tij sot është “porosi” e Xhafajt, duke shtuar se ky i fundit “është betuar te varri i nënës së tij, që sa vite burg do të bëjë Geron Xhafaj në Itali, aq vite burg do të bëjë Salianji në Shqipëri.
“A ju shqetëson ju ajo pasaporta me emër të ndërruar, që ikte shëtiste në Itali? Qeveria e Ramës i kishte ndërruar emrin në pasaportë. Ju merreni me përralla ndërkohë që është skemë kriminale. Fatmir Xhafaj është betuar te varri i nënës që sa vite do bëjë burg Geroni në Itali, aq vite do bëjë Salianji në Shqipëri… Salianji është në burg për fjalën e lirë sepse ka guxuar të denoncojë mafien, një të vërtetë që godiste mafien e familjes Xhafaj. Por këtu është problem të thuash një të vërtetë. Flamur Noka është njeriu që ka provuar burgun e diktaturës dhe nuk ma ndjen fare për këtë diktaturë këtu. Nuk më hyjnë në sy këta, më duken miza. Salianji sulmoi një familje mafioze”, tha ai.
Deputeti Flamur Noka u ‘përplas’ me analistin Lorenc Vangjeli, kur demokrati tha se vëllai i Fatmir Xhafaj ishte ai që duhet të ishte arrestuar pas denoncimit dhe jo Ervin Salianji.
Pjesë nga debati në Top Story:
Vangjeli: Unë besoj se audio përgjime ishte i sajuar. Miq dhe armiq këmbenin vendin, aleanca të padukshme, ca njerëz endacak e nisën dhe ia lanë atij djalit mbi supe. Drejtësia nuk hetoi pafajësinë e tij. Shkeljet proceduriale në proces mund të jenë shkak i mjaftueshëm që gjykata të rishikojë vendimin. Ajo çka ne shikojmë ne ekran dhe çfarë do shikojmë deputet pa popull që i ndjek pas. Nëse kam frikë se me këtë metodë do shikojmë një popull të djathë që nuk i meritojmë këta deputetë.
Noka: Kemi një deputet një personalitet politik që ka shkuar në burg i pafajshëm me akuzën e nenit 55. Askush nuk mundet të thotë, vetëm Edi Rama që e verifikova që ishte audio përgjim i rrëm,. Pse Geron Xhafaj nuk u thirr kurrë në prokurori por u dërgua në Itali, sepse po të shkonte në prokurori do ishte arrestuar dhe ministri i Brendshëm do ishte i detyruar ti nënshtrohej hetimit.
Vangjeli: Një minutë se u gajasën dhe pllumbat. Po policia me çfarë karte e arreston
Noka: Po pusho të flas unë. Merre lexoje ligjin antimafia ti zotëri, e cilëson se në rast se një person është i dënuar për trafik drogë, duhet ti nënshtrohet hetimi pasuror ai dhe gjithë familja
Vangjeli: Dhe..
Noka: Pse bën grindavecin, prit ta mbaroj. Fatmir Xhafa e çoi në Itali ti shpëtonte hetimit pasuror familja. Këto janë gjëra që duhet ti diskutojmë. Kush je ti.
Vangjeli: Jam zot i mendimit tim. Mbi çfarë baze do arrestohej?
Noka: Ky burri që ke përballë, është një hartuesit atij ligji antimafia.
gijotina.com/
Discussion about this post