Sipas informacioneve, 65 vjeçari ishte i divorcuar dhe jetonte i vetëm. Një vit më parë, kishte marrë shokun e tij, 42 vjeçarin të jetonte së bashku me të.
Ndërsa kohët e fundit dyshohet që viktima i kishte kërkuar 42 vjeçarit të linte banesën. Ky i fundit sipas hetimeve paraprake vuante nga problemet me alkoolin.
Në gjendje të dehur autori ka goditur për vdekje me sende të forta 65 vjeçarin Gëzim Bizioni.
“Sot, në fshatin Gjashtë, Sarandë, dyshohet se për motive të dobëta, shtetasi Admir Beqiri, rreth 42 vjeç, ka goditur me sende të forta (shishe qelqi) shtetasin Gëzim Bizioni rreth 65 vjeç, në oborrin e banesës së tij. Si pasojë e dëmtimeve të marra, shtetasi G. B. ka ndërruar jetë në vendngjarje.
Shërbimet e Policisë shkuan menjëherë në vendngjarje dhe, falë reagimit të shpejtë, bënë të mundur kapjen e autorit të dyshuar, shtetasin A. B., i cili u shoqërua në Komisariatin e
Policisë Sarandë për veprime të mëtejshme hetimore. Dyshohet paraprakisht se autori ishte nën ndikimin e alkoolit në momentin e ngjarjes. Vijon puna e grupit hetimor për përcaktimin e shkakut të konfliktit dhe sqarimin e plotë të rrethanave të ngjarjes”, thuhej në njoftimin e policisë.
Discussion about this post