Ka përfunduar protesta e Partisë Demokratike. Deputetët dhe mbështetësit e PD tashmë kanë hyrë në selinë e partisë. Protesta, që u quajt mosbindje civile, zgjati tre orë.
“Regjimi narkos i tërbuar mori një mesazh: jepi zgjidhje kërkesës së qytetarëve, jepi zgjidhje qeverisë teknike, ndryshe narkosi në pushtet nuk do të ketë paqe asnjëherë”, deklaroi për mediat deputeti Noka.
“Do të jemi këtu të vazhdojmë mosbindjen derisa synimet tona të arrihen narkosi duhet të largohet dhe t’i hapë rrugë paqes, sot startuam nga parlamenti në rrugë, për çdo hap tjetër do t’ju njoftojmë, do të jemi në mosbindje civile, ata janë duke u dridhur duke u tërbuar sepse forca e shqiptarëve u ka kallur datën. Hapi i parë i mosbindjes civile do të jemi çdo ditë në aksion”, deklaroi Flamur Noka.
Protesta e Partisë Demokratike u zhvillua me tensione, ndërsa militantët hodhën motolotovë të shumtë drejt disa institucioneve. Policia në disa raste ka përdorur edhe gaz lotsjellës për të shpërndarë protestuesit.
Në këtë foto, dallohet edhe Flamur Noka me farsoletë duke fshirë lotët nga gazi lotsjellës
gijotina.com/
Discussion about this post