Theu masën e arrestit e doli në protestën e opozitës, lihet në burg Sokol Bushkolaj

Gjykata e Tiranës ka lënë në burg protestuesin Sokol Bushkolaj të arrestuar pas protestës  së opozitës më 7 tetor.

Prokuroria kërkoi ‘arrest në burg’ me pretendimin se protestuesi kishte thyer edhe masën e sigurisë ‘arrest shtëpie’, lidhur me një vendim të mëparshëm të gjykatës.

Bushkolaj akuzohet për largim nga vendi i qëndrimi, për goditje për shkak të detyrës dhe shkatërrim prone me zjarr.

Ditën e enjte u lanë në arrest shtëpie me kërkesë të prokurorisë dy protestuesit e tjerë Xhevahir Rrushi dhe Gentian Tuga.