Athinë/ Çifti shqiptar kapet me armë dhe eksploziv

Një çift shqiptarësh u arrestua ditë e sotme pas një kontrolli të rastësishëm nga Policia greke në rrugën Sokratous në qendër të Athinës.

Sipas informacioneve, ka pasur një kontroll të qarkullimit rrugor në zonën e Sokratos ku policia gjeti një pako me lëndë plasëse, si dhe armë në mjetin e çiftit shqiptar.

Dy të arrestuarit, një burrë dhe një grua, u dërguan në Drejtorinë e Policisë për pyetje të mëtejshme, ndërsa autoritetet po hetojnë për origjinën dhe destinacionin e gjetjeve.

Sipas informacioneve, arma që ata posedonin ishte një pistoletë tip Tokarev, ndërsa sipas të njëjtave burime, çifti automjetin luksoz e kishin në posedim me qira.