U kap me armë dhe tritol në mes të Athinës! kush është Armiol Rrasa, i arrestuar edhe 12 herë më parë

12 herë më parë rezulton i arrestuar në Greqi, 39-vjecari nga Divjaka Armiol Rrasa i njohur si “Ari”, i cili u arrestua të premten në Athinë, bashkë me partneren e tij.

Brenda makinës së tyre të marrë me qira, u  gjetën pako me eksploziv dhe detonatorë në një vend të posaçëm nën timon. Në një zonë tjetër të mjetit, policia zbuloi edhe një pistoletë.

Në orët e para të pasdites të së shtunës, 39-vjeçari dhe partnerja e tij 33-vjeçare janë nxjerrë para prokurorit publik, i cili i ka proceduar për veprën penale të mbajtjes dhe furnizimit me lëndë plasëse.

39-vjeçari u dënua me burgim të përjetshëm për çështje droge në vitin 2008, por u lirua në vitin 2015.

Sipas burimeve policore të cituara nga Mega, 39-vjeçari dyshohet se është pjesëtar i një grupi grabitësisht dhe lënda plasëse ishte menduar për ndërtimin e një bombe, e cila do të vendosej në një makinë apo dyqan.

Referuar skedës penale të tij, ai rezulton i arrestuar 12 herë, madje për herë të parafundit ndaj tij është ngritur akuzë në qershor të këtij viti për përdhunimin e një te miture, nga e cila nuk dihet se si ka shpëtuar pa qëndruar në qeli pasi vetëm një muaj më pas rezuton të jetë arrestuar sërish për “shkelje të rregullave të qarkullimit rrugor”.

Precedentët e tij:

09.04.2003 – arrestuar për tentativë vjedhje dhe shkelje të ligjit mbi të huajt.

04.07.2005 – arrestuar për shkelje të ligjit mbi të huajt.

04.11.2007 – arrestuar dhe dëbuar.

10.11.2008 – arrestuar për drogë dhe dënuar me burgim të përjetshëm.

31.07.2015 – liruar nga psikiatria e të dënuarve në burgu e Koridhalos me urdhër dëbimi të përjetshëm nga Greqia.

23.02.2016 – arrestuar për shkelje të kufizimeve të qëndrimit.

25.07.2020 – arrestuar si i kërkuar me dënim për vjedhje.

17.01.2021 – arrestuar si i kërkuar me dënim për falsifikim.

31.07.2021 – arrestuar si i kërkuar me dënim për shkelje të kufizimeve të qëndrimit.

25.11.2021 – arrestuar për mbajtje pa leje të armëve (i’u gjet një thikë e palosshme).

06.03.2024 – i’u ngrit akuzë për dhunë në familje.

04.06.2024 – i’u ngrit akuzë për përdhunimin e një të miture.

06.07.2024 – u arrestua për shkelje të rregullave të qarkullimit rrugor.

Armiol Rrasa rezulton me precedentë penalë edhe në Shqipëri.