Gjekmarkaj: Protesta e tejkaloi mosbindjen civile

Nënkryetari i Partisë Demokratike, Agron Gjekmarkaj, ishte i ftuar në emisionin “Të Paekspozuarit”, ku foli për aksionin e opozitës.

I pyetur nga gazetari Ylli Rakipi, se ç’ndodhi me mosbindjen civile, Gjekmarkaj deklaroi se protesta e tejkaloi mosbindjen civile. Ai shtoi se aksioni i opozitës do të vijojë pas një pauze, por tha se po shqyrtohen mënyra të ndryshme të mosbindjes civile.

Ylli Rakipi: Kjo mosbindja civile pse nuk vazhdon? Se kjo nuk mund të jetë me orar, të hënë dhe të enjte, apo jo?

Agron Gjekmarkaj: Askush nuk është skllav i formave dhe përkufizimeve. Ajo që ka ndodhur në protestën e opozitës, është më shumë se mosbindje civile, është shprehje e zemërimit. Në këtë aspekt nuk ka të zhgënjyer. Kishte zemërim me shumicë të demokratëve, të shqiptarëve, kundër zhbërjes së opozitës, tentativës për të rrënuar demokracinë në këtë vend. E ka tejkaluar pritshmërinë e mosbindjes civile.

Ylli Rakipi: Çfarë synoni ju me këtë?