Ministri i Brendshëm, Ervin Hoxha ka firmosur një tjetër shkarkim nga institucionet në varësi të tij.
Kështu, drejtori i Gjendjes Civile, Vangjush Stavro është shkarkuar nga detyra pas 3 vitesh qëndrimi në këtë post.
Sipas disa raportimeve mediatike, vendimi është marrë për shkak të një ngërçi të krijuar me tenderin e mirëmbajtjes së Regjistrit Kombëtar të Gjendjes Civile – Një përplasje për çështje teknike e procedurale me Agjencinë Kombëtare të Shoqërisë së Informacionit (AKSH) raportohet se e ka shtyrë Ministrin e Brendshëm të sakrifikojë vartësin e tij.
Kujtojmë se disa ditë më parë, ministri Hoxha shkarkoi nga detyra edhe drejtoreshën e IdentiTek, Loina Prifti, dhe në vend të saj emëroi Freskida Halilaj.
Discussion about this post