Një prej dëshmitarëve që ka parë me sytë e tij vrasjen e 32-vjeçarit Albi Bashaliu në Peqin, thotë se i riu është vrarë nga 2 persona që ishin veshur me të zeza dhe me maskë Covid-i.
“Një makinë ishte parkuar afër, ishte me xhama të zinj, nuk u pa njeri brenda, nuk pamë asnjë lëvizje të dyshimtë, sa doli ai, zbritën nga makina dhe e qëlluan, ishin veshur me xhinse dhe një pallto të zezë, me maskë Covid, çuna të rinj, ishin 2 veta”, tha një prej dëshmitarëve.
Ngjarja e rëndë është regjistruar rreth orës 08:40, teksa mësohet se viktima ishte në lokal kur dikush e thirri në emër nga jashtë dhe kur doli autorët e kanë qëlluar menjëherë.
Më herët, ka qenë drejtori i Departamentit të Policisë Kriminale në Policinë e Shtetit, Tonin Vocaj ka mbërritur në vendin e ekzekutimit të 35-vjeçarit, ndërsa policia po vijon hetimet për identifikimin dhe kapjen e autorëve.
Discussion about this post