“Hape krahun o legen”, gardistët pengojnë deputetët e opozitës të hyjnë në Kuvend/ Përplasje dhe brenda parlamentit -

Edhe seanca plenare e kësaj të enjteje po shoqërohet me tensione. Deputetët e opozitës të përjashtuar nga punimet parlamentare nga kolegët e mazhorancës janë përplasur me punonjësit e gardës, teksa këta të fundit nuk i kanë lejuar të hyjnë në Kuvend.

Tensione ka pasur edhe brenda seancës plenare. Ata pak deputetët të opozitës të mbetur në sallë kanë vendosur karrige para foltores për të penguar zhvillimin normal të seancës plenare. Mes palëve gjithashtu ka pasur debate të ashpra verbale.

Demokratët nisën përshkallëzimin e aksionit opozitar pas burgosjes politike të ish-deputetit demokrat Ervin Salianji.

***

Zhvillimet

“Hape krahun o legen”, gardistët pengojnë deputetët e opozitës të hyjnë në kuvend

Deputetët e Partisë Demokratike janë përplasur me punonjësit e Gardës para hyrjes së Kuvendit që është rrethuar me barriera metalike, pasi nuk janë lejuar të hyjnë në sallën e Parlamentit.

“Hape krahun, mos i shërbeni Edi Ramës”,, i drejtohen punonjëve të Gardës.

Ndërkohë Flamur Noka ka shtyrë gardistët dhe ka tentuar të heqë barrierat metalike.

Ata kanë kërkuar që të lejohen të hyjnë brenda Kuvendit deputetët të cilët nuk janë përjashtuar.

Pjesë nga debatet:

Bledjon Nallbati: Hapeni rrugën, si i trajtoni disa si të nënës dhe disa si të njerkës.

Elda Hoti: Çfarë është këtu 313-ta?

Gazment Bardhi: Kjo është fytyra e një shteti kandidat për t’u anëtarësuar në BE! Fiks kapitulli i parë

Albana Vokshi: Kë po mbroni hajdutët?

Gazment Bardhi: Hape rrugën ore legen. S’do kalojë zonja në mesin tuaj…

***

“Edi Rama, Mafia”/ Deputetët e opozitës varin banderolën te gardhi metalik i Gardës

***