Plagoset me armë zjarri i riu në Shkodër, dyshimet

Një i ri është plagosur me armë zjarri në këmbë këtë të enjte në Shkodër.

Burime zyrtare nga policia lokale sqaruan se rreth orës 09:20, në Spitalin Rajonal Shkodër është paraqitur për ndihmë mjekësore M.M., 28 vjeç, banues në fshatin Bratosh, Malësi e Madhe, i dëmtuar me armë zjarri në këmbë.

Në bazë të deklarimeve të vëllait të 28 vjeçarit, shtuan të njëjtat burime,, paraprakisht dyshohet se 28-vjeçari është vetëplagosur aksidentalisht me armë zjarri pushkë në mal.

“Për zbardhjen e rrethanave të ngjarjes dhe për dokumentimin ligjor të saj, është ngritur grupi hetimor, i cili vijon veprimet hetimore në drejtimin e Prokurorisë”, mbyllet njoftimi i bluve.