Kryetari i Partisë Demokratike, Sali Berisha ka kërkuar dorëheqjen e kryeministrit Edi Rama, pas arrestimit të Jurgis Çyrbes.
Gjatë konferencës për mediat, duke komentuar zbulimet e deritanishme të publikuara në media, ku banda e Shijakut dhe e Durrësit kishin vendosur në listë të sigurtë Çyrben, Berisha tha se, autori kryesor i ndërtimit të kësaj piramide shtetërore në Europë, është Edi Rama.
Berisha ka ka hedhur akuza ndaj ministrit Taulant Balla, si i lidhur me familje mafioze.
Ai ka denoncuar se të dhënat e publikuara nga Sky Ecc janë më kriminale për Taulant Ballën sesa për Jurgis Çyrbjan.
“Taulant Balla me Vate Staken, prokuror në KLP me urdhër të bandave liruan dy terroristë që i vendosën tritolin për ta eksploduar në publik qytetarin Lulzim Kulla”, tha Sali Berisha.
“Jam para jush për të kërkuar publikisht dorëheqjen e menjëhershme të kreut të krimit të organizuar shqiptar në pushtet, Edvin Kristaq Ramës, i cili është autor kryesor i ndërtimit me angazhimin e tij direkt të piramidës më të madhe të krimit në Europë, piramidës më të madhe shtetërore të krimit në Europë.
Të dhënat e bëra publike sot nga mediat për ish-deputetin kriminel, Çyrbja, implikojnë direkt kreun e qeverisë së krimit, Edi Rama.
Sepse është direkt Edi Rama njeriu që ka ngrënë dardhat e Çyrbjes.
Jurgis Çyrbja, i njohur botërisht si përfaqësuesi i klanit mafioz Avdylaj, ka shpërblyer Edi Ramën së bashku me Avdylajn me tonelata dardha të krimbura.
Ka dërguar dy herë mandatin e tij në parlament.
Mos harroni se Çyrbja nuk është peshku i madh, peshqit mëdhenj janë sipër fare, peshkaqeni është Rama.
Rasti Çyrbja është rasti që fakton në mënyrën më të pakundërshtueshme faktin se në Shqipëri vendimmarrës numër Një është krimi dhe vetëm krimi.
Edi Rama duhet të japë dorëheqjen sot, sepse ish zëvendësi i tij Arben Ahmetaj ka vërtetuar se nga zyra e tij bëhej koordinimi i bandave, se në zyrën e tij priten bosët kryesore të shtëpive mafioze. Sot kolegët e Erion Velisë në Skapin e partisë njoftuan, bënë publik për akuzat që ka ndaj Ergys Çyrbës dhe të dhënat që kanë marrë me Sky Ecc.
Shumë herë më kriminale janë të dhënat që Sky Ecc dhe përgjigjet kanë dhënë për kriminelin ministër Taulant Balla. Vërtet Çyrbja ka kryer krimin e shëmtuar duke marrë në mbrojtje Altin Hajrin, por mos harroni se Taulant Balla me Vate Staken, prokuror në KLP me urdhër të bandave liruan dy terroristë që i vendosën tritolin për ta eksploduar në publik qytetarin Lulzim Kulla. Balla lëviz si përfaqësues i qeverisë nëpër botë. Shumë më të forta se veprat e kryera nga Çyrbja janë ato të Ballës, i cili në në regjistrime figuron zëdhënësi i interesave të familjes mafioze, Brajave, Celajt, Rrajat etj”, u shpreh Berisha.
Discussion about this post