Berisha: Në çdo vend do quhej kreu i grupit kriminal, te ne quhet kryeministër

Kryetari i opozitës, Sali Berisha publikoi një fotomontazh ku tregohen të gjithë njerëzit me pushtet të Edi Ramës që kanë rënë në pranga ose janë duke u hetuar.

“Në çdo vend tjetër të botës, drejtuesi i këtij grupimi do të konsiderohej kreu i një grupi të strukturuar kriminal. Në Shqipëri quhet kryeministër,” thuhet në fotomontazh.

Prangosja e ish-deputetit të Edi Ramës, Jurgis Çyrbja vetëm sa ekspozoi më shumë faktin se Shqipëria sundohet nga një regjim kriminal.

Akuza ndaj Çyrbjes tregoi se si krimi në Shqipëri shndërrohet në votë, ndërkohë që vota shndërrohet në krim.