Genc Gjokutaj, avokati i Ilir Metës, ka folur për mediat pasi GJKKO shpalli vendim dhe e la ish-presidentin në burg.
Ai tha se e prisnin këtë vendim dhe se do ta ndjekin në rrugë ligjore duke paralajmëruar ankimim. Ai tha se do të bëjë dhe kallëzim penal ndaj policisë, pas arrestimit të tij.
Ndërkohë i pyetur se përse Ilir Meta e humbi qetësinë sot në seancë, ai u shpreh: Nuk e ka humbur qetësinë, toni i lartë… e vërteta thuhet më zë të lartë. Është në të drejtën e tij.
Pyetjes së gazetarëve se si kryetari i Partisë së Lirisë, Ilir Meta, i cili njihet për aventurat në natyrë, do ta përballojë heqjen e lirisë, avokati Genc Gjokutaj iu përgjigj, duke thënë se burgosja e Metës, është izolim i politikës.
“Ai po përballet me një proces, mos e folklorizoni çështjen. Arrestimi i Metës është izolimi i opozitës, sikur Berishës. Shikoni se Shqipëria po rrëshqet në diktaturë“, tha Gjokutaj.
GJKKO shpalli pak më parë vendimin për Ilir Metën, Monika Kryemadhin, Pirro Xhixhon dhe Ema Çokun. Meta u la në burg. Masa mbeti e pandryshuar për Kryemadhin dhe Çokun, detyrim paraqitje, ndërsa për Xhixhon, u ndryshua nga arrest shtëpie në detyrim paraqitjeje.
gijotina.com/
Discussion about this post