“21 janari”/ Ish-nëndrejtori i Policisë së Shtetit, Agron Kuliçaj paraqitet në SPAK

Agron Kuliçaj është paraqitur këtë të enjte në SPAK për t’u marrë në pyetje në lidhje me hetimet që po kryen për dosjen e 21 janarit.

Në atë periudhë, Kuliçaj mbante detyrën e zëvendësdrejtorit të Policisë së Shtetit.

Ngjarjet e 21 Janarit 2011 lidhen me protestën e Partisë Socialiste para Kryeministrisë, ku katër protestues humbën jetën.

SPAK po vijon hetimet për të zbardhur përgjegjësitë dhe rrethanat e kësaj ngjarjeje.

Ditën e djeshme ish-drejtori i Përgjithshëm i Policisë së Shtetit, Hysni Burgaj dha dëshminë e tij në Prokurorinë e Posaçme për dosjen e 21 janarit.

Në një prononcim për mediat, Burgaj deklaroi se ka dhënë sqarime si person që ka dijeni, ndërsa thekson se ai ka zbatuar vetëm urdhrat.